كریستیانۆ ڕۆناڵدۆی پورتوگالی گەڕایەوە بۆ ڕیزەكانی یانەی مانچستەر یونایتدی ئینگلیزی.
ڕۆناڵدۆ پێشتر لە لیشبۆنە كاتە پشووەكانی بەسەر دەبرد و لە دوو كامپی مەشق و ڕاهێنانی یانە ئینگلیزییەكە بێ بەش بوو.
خواستی ڕۆناڵدۆ یەكلایی كردنەوەی داهاتووی خۆی بوو پێش ئەوەی بگەڕێتەوە بۆ مانچستەر یونایتد.
بڕیارە ئەمڕۆ لە نزیكەوە چاوی بە ئیدارە و بەرپرسانی مانچستەر یونایتد بكەوێت تا داهاتووی یەكلایی بكاتەوە.
ئیدارەی مانچستەریونایتد لەسەر هەڵوێستی خۆییەتی و بەهیچ شێوەیەك بەنیازی فرۆشتنی نین، یاریزانە پورتوگالییەكەش دەیەوێت پەیوەندی بە یەكێك لە یانە بەهێزەكانی ئەوروپاوە بكات تا لە ڕكابەرییەكانی چامپیۆنز لیگ دانەبڕێت.
