رووداوێكی ئاگركەوتنەوە لە فەرمانگەیەكی سنووری ئیدارەی راپەڕین روویدا و بەرگریی شارستانی دەڵێت، بەهۆی شۆرتی كارەباوە بووە.
بەپێی راگەیەندراوی بەڕێوەبەرایەتیی بەرگریی شارستانیی راپەڕین، ئەمڕۆ یەكشەممە ئاگادارکراونەتەوە لە رووداوێکی ئاگرکەوتنەوە لە بەڕێوەبەرایەتیی جێبەجێکردنی راپەڕین، ئەوانیش تیمەكانی هەردوو بنکەی بەرگریی شارستانیی كێوەڕەش و رانیەیان رەوانەی شوێنی رووداوەكە كردووە و ئاگرەكە كۆنترۆڵكراوە.
بەڕێوەبەرایەتیی بەرگریی شارستانیی راپەڕین دەڵێت، “بەپێی راپۆرتی تیمەكان، ھۆکاری روودانی ئاگرەکە شۆرتی کارەبایی بووە”.
