بە بڕیاری ئەنجومەنی وەزیرانی عێراق، بەڕێوەبەری گشتیی پەروەردەی كەركوك لە پۆستەكەی دوورخرایەوە.
لە نووسراوێكدا كە واژووی ئیبراهیم نامس جبوری، وەزیری پەروەردەی عێراقی لەسەرە و ئەمڕۆ یەكشەممە دەرچوێندراوە، عەبد عەلی حسێن توعمە بەڕێوەبەری گشتیی پەروەردەی كەركوك لە پۆستەكەی لادرا.
نووسراوەكە ئاماژە بۆ ئەوە دەكات كە بڕیاری لەكارلادانی بەڕێوەبەری گشتیی پەروەردەی كەركوك، فەرمانێكی دیوانی ئەنجومەنی وەزیرانە و لە رۆژی 11ـی ئەم مانگەدا دەركراوە و بەپێی فەرمانەكە، عەبد عەلی دەگەڕێندرێتەوە بۆ ئەركی پێشووی و چیتر لە پۆستی بەڕێوەبەری گشتیی پەروەردەی كەركوكدا نامێنێت.
