بەڕێوەبەری گشتیی ئەزموونەکان لە وەزارەتی پەروەردە رایگەیاند، ئەمڕۆ شەممە ئەنجامی تاقیکردنەوەی نیشتمانی قۆناغی 9ی بنەڕەتی بڵاودەکرێتەوە.
نوردەین عوسمان بەڕێوەبەری گشتیی ئەزموونەکان لە وەزارەتی پەروەردە بە تۆڕی میدیایی ئێستای راگەیاند، “ئەگەر هیچ کێشەیەکی هونەری و تەکنیکیمان بۆ نەیەتە پێشەوە، ئەمڕۆ شەممە ئەنجامی تاقیکردنەوەی نیشتمانی قۆناغی 9 ی بنەڕەتی رادەگەیەنین”.
وتیشی، “ئەگەری هەیە کاتی بڵاوکردنەوەی ئەنجامەکان بکەوێتە ئێوارە، لە رێگەی ماڵپەڕی ئەزموونەکانەوە دەبێت”.
بۆ ئەمساڵی خوێندن 123 هەزار و 993 خوێندکار بەشداری تاقیکردنەوەی نیشتمانیان کردووە و ئەمڕۆ ئەنجامەکانیان وەردەگرنەوە.
