ئەندامێكی لیژنەی دارایی لە ئەنجومەنی نوێنەرانی عێراق رایدەگەیەنێت، چاوەڕواندەكرێت لە دوو رۆژی داهاتوودا مووچەی مانگی چوار رەوانەی هەرێمی كوردستان بكرێت و لە ئێستادا وردبینی لە لیستی مووچەدا دەكرێت.
د. نەرمین مەعروف ئەندامی لیژنەی دارایی لە ئەنجومەنی نوێنەرانی عێراق لە لێدوانێكیدا رایگەیاند، ئەو تێبینییانەی لەسەر لیستی مووچەی مووچەخۆرانی هەرێم هەن ئاساییە چونكە لە نێو فەرمانگەكانیشدا مانگانە ئەو حاڵەتانە هەن پێویست بە دڵەڕاوكێ ناكات و بەپێی بڕیارەكەی دادگای فیدراڵیی عێراق ناردنی پارەی تەرخانكراو بۆ مووچە بەردەوامدەبێت و تەنها چەند رێكارێكی كارگێڕی و داراییە و دوای تەواوكردنی رێكارەكان مووچەی مانگی چوار دەنێردرێت.
ئەندامەكەی لیژنەی دارایی جەختیكردەوە و وتیشی، “چاوەڕواندەكرێت لە دوو رۆژی داهاتوودا مووچەی مانگی چوار رەوانەی هەرێمی كوردستان بكرێت”.
