هێمن میرانی بەڕێوەبەری گشتیی دیوانی وەزارەتی ناوخۆی هەرێم لە دیدارێكی تەلەفزیۆنیدا رایگەیاند، “دانانی كامێرای پۆینت تو پۆینت بۆ كەمكردنەوەی رووداوەكانی هاتوچۆ و سەلامەتی هاوڵاتییانە و جگەلەوەش ئەو كامێرایانە لە شەقامەكانی دەرەوەی شاردا دادەنرێن نەك ناوشار.
راشیگەیاند، لە پۆینتێكی شەقامی 120ی هەولێر ئەگەر بەدواداچوون بكرێت كە كامێرای پۆینت تو پۆینتی لێدانراوە شۆفێران ئەوەندە بە جوانی دەڕۆن دەتوانن سڵاو لە یەكتربكەن، چونكە ئەگەر بە خێرایی لێبخوڕن سزایان لەسەر تۆماردەكرێت.
وتیشی، “خۆشبەختانە لەو كاتەی كامێرای پۆینت تو پۆینت لە سلێمانی دانراوە، زانیارییەكانی بەڕێوەبەرایەتیی هاتوچۆی ئەو شارە پشتڕاستی دەكەنەوە كە هیچ رووداو و سەركێشییەك رووینەداوە.
ئاماژەی بۆ ئەوەش كرد، “پلانێكی جیهانی هەیە كە تا ساڵی 2030 رووداوی هاتوچۆ بە رێژەی 50% كەمبكرێتەوە”.
