ئەمشەو سێشەممە، یاریی چوونی قۆناغی نیوەی کۆتایی خولی یانە پاڵەوانەکانی ئەوروپا لە نێوان ڕیاڵ مەدرید و مانچستەر سیتی ئەنجامدرا، یارییەکە بە یەکسانبوون کۆتاییهات.
لە یارییەکی بەهێزدا، یانەی ڕیاڵ مەدریدی ئیسپانی لە یاریگای “سانتیاگۆ بێرنابیۆ” میوانداریی مانچستەر سیتی ئینگلیزی کرد، یارییەکە بە ئەنجامی یەکسانبوون (1-1) کۆتاییهات.
گۆڵەکەی “مێرەنگی” لە خولەکی 36 لەلایەن ڤینیسیۆز جونیۆرەوە تۆمارکرا، گۆڵەکەی “سیتیزنس” لە خولەکی 67 لەلایەن کێڤن دی برۆینەوە تۆمارکرا.
بەپێی ئەنجامە تۆمارکراوەکە، هیچکام لە دوو جەمسەرە زەبەلاحەکە سەرکەوتنیان یەکلایی نەکردەوە، بەڵکو یاریی گەڕانەوە لە یاریگای “ئیتیحاد” یانەی سەرکەوتوو دەردەخات.
