دەسەڵاتدارانی سعودیە دەستگیرکردنی هاوڵاتییەکیان راگەیاند کە تۆمەتباربوو بە دزینی ئۆتۆمبێلێک بە دایکێک و منداڵەکەیەوە.
پۆلیسی شاری مەککە بڵاویکردەوە، هاوڵاتییەک لە پارێزگای خەڵیس ئۆتۆمبێلێکی دزیوە کە دایکێک و منداڵێکی تێدابووە، لە کاتی لێخوڕینی ئۆتۆمبێلەکەدا دایک و منداڵەکە خۆیان لە ئۆتۆمبێلەکە خستووەتە خوارەوە و بە سووکی برینداربوون.
رووداوەکە لە کاتێکدابووە، خێزانێکی سێ کەسی بە نیازی گەشتکردن بوون بە ئۆتۆمبێلەکەیان بەڵام لە رێگادا شۆفێری ئۆتۆمبێلەکە کە یەکێک بووە لە ئەندامانی خێزانەکە دابەزیوە پێداویستییەکانیان بکڕێت و ئۆتۆمبێلەکەی نەکوژاندووەتەوە، تۆمەتبارەکەش ئەمەی بە هەل زانیوە و دزیویەتی.
لەدوای رووداوەکە پۆلیس توانی تۆمەتبارەکە دەستگیربکات و رادەستی دادگای بکات.
