ئەستێرەی ئینگلیزی و کاپتنی یانەی لیڤەرپوڵ، جۆردان هێندێرسۆن زانیاری نەبیستراو لەبارەی ئاهەنگەکانی وەرزی ڕابردووی یانەکەی ئاشکرادەکات.
پاش دابڕان بۆ ماوەی (30 ساڵ). وەرزی ڕابردوو یانەی لیڤەرپوڵ نازناوی خولی نایابی ئینگلیزی بەدەستهێنا و ستافی یانەکە بەبێ ئامادەبوونی هاندەرانیان و لەژێر باری خۆپارێزیدا لە یاریگای ئانفێڵد ڕۆدز ئاهەنگی سەرکەوتنیان گێڕا.
لە چاوپێکەوتنێکدا لەگەڵ گۆڤاری تایمز، جۆردان هێندێرسۆن زانیاری نەبیستراو لەبارەی شێوازی ئاهەنگێڕانەکانەوە ئاشکرادەکات و دەڵێت، ” ئەو شامپانیایەی لەکاتی ئاهەنگگێڕاندا بەسەر یەکدیدا دەمانپرژاند کحولی تێدا نەبوو، ئەوەش وەک ڕیزگرتنێک لە یاریزانە موسوڵمانەکانمان، محەمەد سەڵاح و سادیۆ مانێ، لە ناوخۆی یانەکەمان سەرەریا جیاوازی ئایدیای یاریزانان هیچ توندڕەوی و جیاکارییەک لەنێوان یاریزانان بەدیناکرێت ، نازانم لەدەرەوەی یاریگا بۆ بەو شێوەیە نییە!”.
هەروەها دەڵێت، ” مانێ مەلەوانێکی باشە، لە مەلەوانگە کاتی مەشقەکان لێمپرسی چۆن فێری مەلەوانی بووە و پێیوتم، کە دێیەکەیان لەسەر ڕوباری کاسامانس بووە لە سیدۆهۆ، ڕۆژانە حەزی بە مەلەکردن بووە و لەوێ فێربووە”.
هێندێرسۆن ژیانی خۆی بە مانێ و سەڵاح بەراورد دەکات و دەڵێت، ” کاتێک بیر لە ڕێڕەوی ژیانم دەکەمەوە، کە لە خێزانێکی ئاسایی بووم گومان لە بەختەورەیم دەکەم، چونکە هەرگیز کەسێکی وەک من بەو ئاستەنگی و ناخۆشیانەدا تێپەڕینەکردووە کە هاوڕێکانم (سەڵاح و مانێ) پیایدا تێپەڕیانکردووە”.
هێندێرسۆنی تەمەن 30 ساڵ لە هاوینی 2011وە پەیوەندی بە یانەی لیڤەرپوڵەوە کردووە، تاوەکو ئێستا 379 یاری لە سەرجەم خول و پاڵەوانێتیەکان ئەنجامداوە و 29 گۆڵی تۆمارکردووە و 51 گۆڵی بۆ هاوڕێکانی ڕەخساندووە، هەروەها پلەی کاپیتانۆی پێکهاتەکەی پێبەخشراوە.
