لە خواردنگەیەكی شاری دهۆك چۆلەكەی مرداربوو لەناو مەنجەڵی قەلیەدا دۆزرایەوە و لیژنەكانی قائیمقامیەت خواردنگەكەیان داخست.
بەپێی راگەیەندراوێكی قائیمقامیەتی دهۆك كە وێنەیەكی دەست تۆڕی میدیایی ئێستا كەوتووە و تێیدا هاتووە، لەبەردەوامی بەدواداچوونەكاندا پشكنین بۆ خواردنگەیەكی شاری دهۆك كراوە كە چۆلەكەی مرداربوو لەناو مەنجەڵی قەلیەدا بووە و لیژنەكان چۆلەكە مرداربووەكەیان لەناو مەنجەڵەكەدا دەرهێنا.
هەر لە راگەیەندراوەكەدا هاتووە، لیژنەكانی قائیمقامیەت بڕیاری داخستنی خواردنگەكەیاندا و خاوەنەكەشی رووبەرووی لێپێچیینەوەی یاسایی دەكرێـتەوە.
