بە تۆمەتی بەكارهێنان و بازرگانیكردن بە ماددەی هۆشبەرەوە دوو تۆمەتبار لە سلێمانی دەستگیركران.
بەڕێوەبەرایەتیی پۆلیسی پارێزگای سلێمانی دەڵێت، لە دوو چالاكیی جیادا و لەلایەن مەفرەزەكانی بەشی پۆلیسی نەهێشتنی تاوانی سلێمانی – نووسینگەی بەكرەجۆ، بە هاوكاریی بەشی پۆلیسی فریاكەوتنی سلێمانی دوو تۆمەتبار بە تۆمەتی بەكارهێنان و بازرگانیكردن بە ماددەی هۆشبەر دەستگیركران و دەستگیرا بەسەر بڕێك ماددەی هۆشبەردا.
راگەیەندراوی پۆلیسی سلێمانی ئاشكرایكردووە، هەردوو تۆمەتبار (ش، م، ف لەدایكبووی 2000) و (ت، س، س لەدایكبووی 2002) بە بڕیاری دادوەر راگیراون و لێكۆڵینەوە لەگەڵیاندا بەردەوامە.
لەبارەی دەستگیركراوی دووەمەوە، پۆلیس رایگەیاندووە، “پێشتر تۆمەتبار بە هەردوو مادەی (446 و 443 لە یاسای سزادان) لە بەشی پۆلیسی نەهێشتنی تاوانی سلێمانی داواكراو بووە”.
