بەڕێوەبەرایەتیی پۆلیسی هەولێر رایدەگەیەنێت، دوای ئەوەی ئێوارەی ئەمڕۆ لەسەر كێشەیەكی خێزانی لە گەڕەكی (بەستەپیازە) شەڕێك لە نێوان سێ ئامۆزا دروست بوو، لە ئەنجامدا یەكێكیان كە تەمەنی 35 ساڵە كوژرا و برایەكیشی كە تەمەنی 41 ساڵە بە دەستی ئامۆزایەكیان برینداربوو.
بەپێی راگەیەندراوێكی بەڕێوەبەرایەتیی پۆلیسی هەولێر كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای رووداوەكە دەستبەجێ هێزەكانی بەڕێوەبەرایەتیی پۆلیسی پارێزگای هەولێر دەستیان بە لێكۆڵینەوە كرد و لە ئێستادا لە شوێنی رووداوەكە سەرقاڵی لێكۆڵینەوەی وردن لە چۆنیەتی و هۆكاری ڕووداوەكە.
هەر بەپێی زانیارییەكان، ئەو كەسەی ئەم ئێوارەیە تەقەی لە دوو ئامۆزاكەی خۆی كردبوو یەكیانی كوشتبوو ئەوی تری برینداركردبوو دوای كاتژمێر و نیویك لە لایەن ئاسایشی هەولێرەوە دەستگیركرا.
