بەڕێوەبەرایەتیی رێكخستنەوەی پسووڵەی خۆراك لە هەولێر رایدەگەیەنێت، ئەمڕۆ دەستكرا بە دابەشكردنی هێلكەكەی مانگی رەمەزان و هەر خێزانێك یەك تەبەق هێلكەی پێدەدرێت.
لە راگەیەندراوەكەی بەڕێوەبەرایەتیی رێكخستنەوەی پسووڵەی خۆراك لە هەولێر هاتووە، پێویستە بریكارەكان راستەوخۆ هاوڵاتییان ئاگاداربكەنەوە بۆ وەرگرتنی بەشە خۆراك و هێلكە كە مێژووی دەرچوونی هێلكەكەش نوێیە.
پێشتر حكومەتی عێراق بڕیاریدا لەگەڵ بەشە خۆراكی مانگی رەمەزاندا چەند ماددەیەكی خۆراكی زیاد بكرێت و یەكێك لەوانەش زیادكردنی هێلكە بوو كە هەر خێزانێك یەك تەبەق هێلكەی پێبدرێت.
