وەزارەتی كارەبا بڕیاریدا دەست بە جێبەجێكردنی سیستمی پارەدانی پێشوەخت بكرێت، دوای ئەوەی لەماوەی رابردوودا تاقیكردنەوەی لەسەركرا.
وەزارەتی كارەبای هەرێم بڕیاریدا دەست بە جێبەجێکردنی سیستەمی پریپەید بكرێت و لە سەرەتاشدا لە ژمارەیەک لە یەکەکانی نیشتەجێبوونی شارە گەورەکان دەستپێبکرێت.
ئەو بڕیارە ئەمڕۆ لە كۆبوونەوەیەكی ئەنجومەنی وەزارەتدا بوو كە بە سەرپەرشتی کەمال محەمەد، وەزیری کارەبا بەڕێوەچوو و بەپێی راگەیەندراوێكی كۆبوونەوەكە تیایدا باس لە داهاتی کارەبا، فرۆشتنی وزە، کەمکردنەوەی قەرزەکانی کارەبا و سیستەمی پریپەید کرا.
لەماوەی رابردوودا سیستمەكە لە شارەكانی هەرێم لە چەند پرۆژەیەكی نیشتەجێبوون و بازاڕەكاندا وەك قۆناغی تاقیكردنەوە كاریپێكرا.
بەپێی سیستمەكە پێویستە بۆ بەدەستهێنانی كارەبا پێشوەختە پارە بدرێت و بەپێی بڕی پارەكە، یەكەی پێویست دەچێتە سەر ئەژماری هەر بەشداربوویەكی تۆڕی كارەبای نیشتمانی.
