ئەمشەو، شەممە لە چوارچێوەی ڕوبەڕوبوونەوەکانی هەفتەی 14ی خولی پلە یەکی ئیسپانیا، یانەی بەرشلۆنە لە یاریگای خۆیدا بەرانبەر ڤالێنسیا تۆمارکرد.
ئەمشەو بارسا لە یاریگای کامپ نو میوانداری یانەی ڤالێنسیای کرد و لوتکەی ئەم هەفتەیەی خولەکە بە یەکسانبوون (2-2) کۆتاییهات.
لە سەرەتاکانی تایمی یەکەم شەمشەمە کوێرەکان توانیان باڵادەستی نیشانبدەن، لە خولەکی 30 مواکتار دیاخابی گۆڵی یەکەمی تۆمارکرد.
کاردانەوەی بەرشلۆنە خێرابوو، لە خولەکی 45 لیۆنێل مێسی گۆڵی یەکسانکردنەوەی تۆمارکرد و ئەو تایمە بە گۆڵێک یەکسانبوون کۆتاییهات.
https://streamable.com/aaha28
لە تایمی دووەمدا هەردوو یانە هاوسەنگی بە ئاستیانەوە دیاربوو، چەندین هەلی تۆمارکردنی گۆڵیان ڕەخساند، لە خولەکی 52 ڕۆناڵد ئاورخۆ گۆڵی دووەمی یانەی خانەخوێی تۆمارکرد و لە خولەکی 69 ماکسی گۆمێز ئەنجامەکەی یەکسانکردەوە (2-2)، یارییەکەش بە یەکسانبوون کۆتاییهات.
بەپێی ئەنجامە تۆمارکراوەکە، بەرشلۆنە بە (21) خاڵ لە پلەی پێنجەمی ڕیزبەندی یانەکانی لالیگای جێگیربوو و یانەی ڤالێنسیا بە کۆکردنەوەی (15) خاڵ لە پلەی 13 بۆ 12 سەرکەوت.
