كۆنگرەی ڕۆژنامەوانیی ئەنچلۆتی پێش ڕووبەڕووبوونەوەی ئەتلەتیك بلباو

سبەی كاتژمێر 11:30 خولەك، یانەی ڕیاڵ مەدریدی پێشەنگی ڕیزبەندیی خوولی ئیسپانیا ڕووبەڕووی یانەی ئەتلەتیك بلباوی نۆیەم دەبێتەوە.

پێش دەستپێكردنی یارییەكە، ئەنچلۆتی بەم جۆرە باسی دۆخی تیپەكەی كرد

– یارییەكە ئاستەم دەبێت، من زۆر حەزم بە كەشی سان مامێس هەیە، هەلێكە بۆ ئێمە كە كوالێتیی خۆمان پیشانبدەین، هەروەك ڕابردوو هەوڵی بردنەوە دەدەین.

– پێویستمان بە دۆزینەوەی چارەسەری نوێیە بۆ ئەوەی گۆڵ تۆماربكەین، گرنگترین شت ئەوەیە سەرەتا گۆڵمان لێنەكرێت، دواتر دەبێت كۆنتڕۆڵی تۆپ بكەین.

– هازارد 90 خولەكی تەواو یاریكردووە، شەوی ڕابردوو بەشداریی ڕاهێنانەكانی كردووە و هەستی بە هیچ ئازارێك نەكردووە.

– هازارد دەبێت لە باڵەكانەوە یاریبكات وەك ڤینیسیۆس، یاخود لە پشتی هێرشبەرەكانەوە یاریدەكات، پێویستمان بە مەهارەكانییەتی، دەمانەوێت یاریزانەكە هەست بە ئیسراحەت بكات لە پێگەكەیدا.

– كاسمیرۆ و مۆدریچ یاریناكەن، هەلێكی زێڕینە بۆ كامافینگا و ڤالڤێردی، كە لە ماوەی ڕابردوودا كەمتر یارییانكردووە.

– پێویستە پشت بە شێوازی یاریكردنی 4-4-2 ببەستین، هێشتا دڵنیانیم لە شێوازی یاریكردنی تیپەكە

– مۆدریچ ڕاهێنان ناكات لەبەرئەوەی هێشتا تەندروستیی باش نییە، دوای یارییەكەی بلباو چەند ڕۆژێك پشوومان هەیە و هیوادارم دوای پشووەكان سەرجەمیان بگەڕێنەوە.

– ڤینیسیۆس هیلاك نییە و سبەینێش یاریدەكات، بۆ ئێمە یاریزانێكی گرنگە.

– لە ساڵی 2021 دوو لێدانی سزا بۆ ڕیاڵ مەدرید هەژماركراوە و هیوادارم چانسمان هەبێت بۆ حاڵەتەكانی تر.

– هەموو یاریزانەكان ڕۆڵیان هەیە لە تیپەكەدا، ئیسكۆ یاریزانێكی پیشەگەرە و هیچ تووڕەبوونێك ڕووینەداوە، تیپەكە بەبێ ئەو باش یاریدەكات.

– هازارد لە دۆخێكی جەستەیی باشدایە و هیچ كێشەی نییە بۆ یاریكردن.