قائیمقامیەتی سلێمانی دەستیگرت بەسەر بڕێکی زۆر ماستی خراپبوودا و شیرەمەنیی شارەزووریش کە خاوەنی ئەو بەرهەمانەبوو داخرا.
لیژنەکانی قائیمقامییەتی سلێمانی رایگەیاند، بەهۆی پابەندنەبوون بە مەرجەکانی تەندروستی و ڤێتێرنەری و رێنماییەکانی دیکەی کارکردنەوە شیرەمەنیی شارەزوور لە شەقامی مەولەوی لە بازاڕی سەعید تەها کۆیی داخرا.
بەپێی راگەیەندراوی قائیمقامیەت، لەو دوکانی شیرەمەنییەدا بڕێکی زۆر ماستی خراپبوو و کەڕواوی هەبووە کە خاوەنەکەی بەنیازبوو لە بازاڕدا ساغیبکاتەوە و ماستە ترشاوەکانیش بکات بە دۆ.
راشیگەیاندووە، خاوەنی ئەو شیرەمەنییە رووبەڕووی رێکاری یاسایی دەکرێتەوە.
