بەهۆی رووداوێکی هاتوچۆوە لە شارۆچکەی داقوقی سەربە پارێزگای کەرکوک ئۆتۆمبێلێک کەوتە ناو پرۆژەی ئاوی داقوقەوە، بەهۆی رووداوەکەوە دوو کەس خنکان و دووانیش بریندارن.
پەیامنێری تۆڕی میدیایی ئێستا گواستییەوە، رووداوەکە لە کاتژمێر 2:00ی بەرەبەیانی ئەمڕۆ لەسەر رێگای کەرکوک – بەغداد لە شارۆچکەی داقوق روویداوە
لە رووداوەکەدا ئۆتۆمبێلێکی جۆری هۆندای سەنتافی کە چوار کەسی تێدابووە کەوتووەتە ناو پرۆژەی ئاوی داقوقەوە، بەهۆیەوە دوو کەس خنکاون و دووانی دیکە بریندارن و ئێستا لە نەخۆشخانەی گشتیی داقوق چارەسەر وەردەگرن.
سەرجەم سەرنشینانی ئۆتۆمبێلەکە لە نەتەوەی عەرەبن و خەڵکی شاری نەجەفن.
