کەشى پێشبینیکراوى 48 کاتژمێرى داهاتوو بڵاوكرایەوە و كەشناسی دەڵێت، “سبەینێ باراندەبارێت”.
بەشی پێشبینیی كەشوهەوا لە وەزارەتی گواستنەوە و گەیاندن، کەشى پێشبینیکراوى 48 کاتژمێرى داهاتووی بڵاوكردەوە و دەڵێت، “ئەمڕۆ پێنجشەممە کەش ساماڵ و پەڵەهەور دەبێت، پاشان دەگۆڕێت بۆ نیمچەهەور و پلەکانی گەرما بە نزیکەی (1 تا 2) پلە بەرزتردەبن لە تۆمارکراوەکانی دوێنێ”.
بەپێی راگەیەندراوی بەشی پێشبینیی كەشوهەوا، سبەی هەینی کەش پەڵەهەور و نیمچەهەور دەبێت، لە کاتەکانی ئێوارە لە ناوچە شاخاوییەکان ئەگەری نمەباران هەیە و پلەکانی گەرما کەمێک بەرزتردەبن لە تۆمارەکانی ئەمڕۆ.
راگەیەندراوەكە بەم شێوەیە پلەكانی گەرمای شار و ناوچەكانی هەرێمی كوردستانی خستووەتەڕوو:-
هەولێر: 30 پلەى سیلیزى
سلێمانی: 28 پلەى سیلیزى
دهۆک: 29 پلەى سیلیزى
کەرکوک: 34 پلەى سیلیزى
هەڵەبجە: 28 پلەى سیلیزى
زاخۆ: 30 پلەى سیلیزى
سۆران: 26 پلەى سیلیزى
گەرمیان: 36 پلەى سیلیزی
لەبارەی بارانبارینی پێشبینیكراوی سبەینێوە، دەستەی گشتیی كەشناسیی عێراق دەڵێت، لە ناوچەكانی هەرێمی كوردستان نمەباران و هەندێك كات تاوەبارانی بەخوڕ دەبارێت.
