بەڕێوەبەری چاودێری و بازرگانیی سلێمانی رایدەگەیەنێت، نرخی هێلكە لە بازاڕدا دابەزینی بەخۆوە بینیوە و هۆكارەكەشی ئاشكرادەكات.
سۆران عەبدولغەفور بەڕێوەبەری چاودێری و بازرگانیی سلێمانی لە لێدوانێكدا بە تۆڕی میدیایی ئێستای راگەیاند، لە ئێستادا یەك كارتۆن هێلكە لە بازاڕدا بە 48 هەزار دینارە و پێشتر یەك كارتۆنی بە 51 هەزار دیناربوو، بەڵام ماوەی چەند رۆژێكە نرخەكەی لە 48 هەزار دیناردا جێگیربووە.
ئاشكراشیكرد، لە وەرزی هاویندا خواست لەسەر بەكارهێنانی هێلكە كەمدەكات و ئەوەش كاریگەری لەسەر دابەزینی نرخەكەی دەبێت و وتیشی، “لە سلێمانی 11 پڕۆژەی تایبەت بە بەرهەمی هێلكە هەیە”.
