ڕافاێل لیاو، ئەستێرەی پۆرتوگالی یانەی ئەی سی میلان ئۆفەری یانە خوازیارەکانی ڕەتکردووەتەوە و چاوەڕوانی وەڵامی میلانە.
گرێبەستی لیاو لەگەڵ میلان لە هاوینی 2024 کۆتاییدێت، تاوەکو ئێستا جەمسەرەکان لەبارەی نوێکردنەوەی گرێبەستەکەوە بە ڕێککەوتن نەگەیشتوون.
بەگوێرەی زانیارییەکانی ڕۆژنامەی “لاگازێتا دیلۆ سپۆرت”، چێڵسی و ڕیاڵ مەدرید گفتوگۆیان لەگەڵ خۆرخی مێندێزی بریکاری هێرشبەرە پۆرتوگالییەکە ئەنجامداوە و ئۆفەری خۆیان پێشکەشکردووە، بەڵام یاریزانەکە دوو ئۆفەرەکەی پشتگوێخستووە و خۆرخی مێندیزی ڕاسپاردووە، لەگەڵ میلان ڕێکبکەوێت بۆ نوێکردنەوەی گرێبەستەکەی.
ڕۆژنامەکە ئاماژەی بەوەشکردووە، لایەنی ئابووری کێشەی نێوان لیاو و میلان نییە، بەتایبەتی کە یانە ئیتاڵییەکە بەنیازە مووچەی ساڵانەی بۆ حەوت ملیۆن یۆرۆ بەرزبکاتەوە.
