لە هەولێر منداڵێکی تەمەن شەش ساڵ دوای ئەوەی سەگ پەلاماریدا بەهۆی سەختی برینەکانییەوە گیانیلەدەستدا.
پەیامنێری تۆڕی میدیایی ئێستا گواستییەوە، ئەو منداڵە سێ رۆژ بەر لە ئێستا سەگ پەلاماریداوە و بەسەختی برینداری کردووە، ئەمڕۆ منداڵاکە لە نەخۆشخانە گیانیلەدەستداوە.
منداڵەکە خەڵکی گوندی دووسەرەیە لە نزیک هەولێر، هەر لە گوندەکەی خۆیان سەگ پەلاماریداوە و برینداری کردووە دوای ئەوەی ماوەی سێ رۆژە چارەسەر وەردەگرێت ئەمڕۆ بەهۆی سەختی برینەکەیەوە گیانیلەدەستدا.
منداڵەکە ناوی ئانیا شەریفە و تەمەنی شەش ساڵە.
لە سەرەتای ئەم مانگەشدا منداڵێکی دیکە لە گەڕەکێکی شاری هەولێر شەش سەگ پەلاماریاندا و بەسەختی برینداریان کرد.
