دوای بردنەوە لە یانەی یوڤانتۆس، یانەی ناپۆلی ئیتاڵی بەتەواوی لە ناسناوی ئەم وەرزەی خولی ئیتاڵیا نزیکبووەوە.
ناپۆلی لەم وەرزەدا (31) یاریکردووە و (78) خاڵی کۆکردووەتەوە، نزیکترین ڕکابەر لێیەوە یانەی لازیۆیە کە خاوەنی (61) خاڵە، واتا جیاوازی نێوان یەکەم و دووەم (17) خاڵە.
ئەستێرەکانی “پارتینۆپێ” لەم وەرزەدا حەوت یاریی “کالچیۆ”یان لەبەردەمدا ماوە، و پێویستیان بە تەنها پێنج خاڵە بۆ بەدەستهێنانی ناسناوی خولی ئیتاڵیا.
تەنانەت لە گەڕی داهاتوودا، ئەگەر لازیۆ بەرامبەر ئینتەر میلان دۆڕاندن تۆماربکات، ناپۆلی بە بردنەوە لە سالێرنیتانا دەبێتە پاڵەوانی وەرز.
