ڕاهێنەری یانەی ئەیاکس ئەمستەردام، کار لەسەر فێربوونی زمانی ئینگلیزی دەکات و ڕۆژنامەیەک ئاماژە بە گواستنەوەی دەکات بۆ یانەی مانچستەر یونایتد.
ڕۆژنامەی دەیلی مەیڵی بەریتانی بڵاویکردووەتەوە، ئیریک تین هاخی ڕاهێنەری هۆڵەندی، ئیدارەی یانەی ئەیاکس ئەمستەردامی ئاگادارکردووەتەوە، وەرزی داهاتوو بەردەوام نابێت و ڕوو لە یانەیەکی دیکە دەکات.
بەپێی سەرچاوەکە، تین هاخ دەبێتە ڕاهێنەری یانەی مانچستەر یونایتد، بەڵگەش ئەوەیە کە لەئێستادا بەشداری کۆرسێکی فێربوونی زمانی ئینگلیزی کردووە، تاوەکو لە بەریتانیا لەڕووی تاکتیکی و شیکارییەوە کێشەی بۆ دروست نەبێت.
کارلۆ ئەنچلۆتی و ماوریسیۆ پۆچتینۆ بەهەمان شێوە داواکراوی یانە سوورە زەبەلاحەکەی شاری مانچستەرن، بەڵام هەندێک لەسەرچاوەکان پێیانوایە تین هاخ لەلایەن سێر ئەلێکس فێرگسۆنەوە (ئۆکەی) لەسەر کراوە.
