هاتوچۆی سلێمانی دەڵێت، دەستیگرتووە بەسەر ژمارەیەک ئۆتۆمبێل و ماتۆڕسکیلدا كە بووبوونە مایەی گلەیی و گازندەی بەشێکی هاوڵاتییان.
لەگەڵ دەستبەسەرداگرتنی ئۆتۆمبێل و ماتۆڕسكیلەكاندا، “سەرپێچیکاران رووبەڕووی یاسا کرانەوە”، وەك بەڕێوەبەرایەتیی هاتوچۆی سلێمانی لە راگەیەندراوێكدا ئاشكرایكردووە.
راشیگەیاند، هەڵمەتەكە ئەمڕۆ شەممە بە هەماهەنگی لەگەڵ قائیمقامیەتی سلێمانی و بە هاوبەشی لەگەڵ مەفرەزە تایبەتەکانی ئاسایشی سلێمانی و پۆلیسی فریاکەوتن و لیژنە تایبەتمەندەکانی قائیمقامیەت و بەڕێوەبەرێتیی هاتوچۆی ناوشار ـ رۆژئاوا بەرپاكراوە.
بەڕێوەبەرایەتیی هاتوچۆی سلێمانی جەختیشدەكاتەوە لەوەی كە “ئەم هەڵمەت و لێپرسینەوە یاساییانە بەردەوام دەبن لە هەر جێگایەک کە کاری نایاسایی تیادا ئەنجامبدرێت”.
