وتەبێژی وەزارەتی کشتوکاڵ رایگەیاند، قەرەبووی جوتیاران دەکرێتەوە کە بەهۆی لافاوەکەوە زیانیان پێگەیشتووە.
هیوا عەلی، وتەبێژی وەزارەتی کشتوکاڵ و سەرچاوەکانی ئاوی هەرێمی کوردستان، بە تۆڕی میدیایی ئێستای راگەیاند، لەچوارچێوەی ئەو بەدواداچوونانەی بۆ قەرەبووکردنەوەی زیانلێکەوتووانی لافەوەکە و کۆکردنەوەی هاوکاری بۆیان، ئەنجامدراون کەرتی کشتوکاڵیشی تێدایە و جوتیارانیش قەرەبوو دەکرێنەوە.
وتیشی، بۆ ئەو مەبەستەش پەیامی خۆمان گەیاندووەتە نووسینگەی قوباد تاڵەبانی و ئاگادارین کە لە چەند رۆژی رابردوودا سەردانی خاوەنی حەوزی ماسییەکانیان کردووە و خەمڵاندنیان بۆ زیانەکان کردووە.
