نازم عەبدوڵا سەرۆكی كۆمەڵەی كێڵگە پەلەوەرییەكان لە لێدوانێكدا بە تۆڕی میدیایی ئێستای راگەیاند، نرخی مریشك دابەزینی زیاتری بەخۆوە بینی و یەك كیلۆ مریشك بوو بە 2 هەزار دینار لە كاتێكدا 2700 دینار لەسەر خاوەنی كێڵگە پەلەوەرییەكان دەكەوێت و هەفتەی رابردوو یەك كیلۆ مریشك بە دوو هەزار و 250 بۆ دوو هەزار و 200 دیناربووە.
راشیگەیاند، كۆمپانیایەك لە بەغداد دامەزراوە كە یەك كیلۆ مریشك بە كەمتر لە 1500 دینار لەسەری دەكەوێت و دۆلار بە 132 هەزار دینار وەردەگرێت و پێویستیی ناوخۆی عێراق دابیندەكات و بەو هۆیەشەوە زیانی بە كێڵگە پەلەوەرییەكانی هەرێمی كوردستان گەیاندووە.
ئاشكراشیكرد، بەشێكی ئەو بەرهەمی مریشكەی هەرێمی كوردستان بۆ پارێزگاكانی ناوەڕاست و باشووری عێراق بووە و دامەزراندنی ئەو كۆمپانیایە زیانی گەیاندووە و دەبێت رێوشوێنی پێویست و بەپەلە لە هەرێمی كوردستان بگیرێتەبەر.
