پەیامنێری تۆڕی میدیایی ئێستا لە شاری كەركوك گواستییەوە، ئەمشەو چەكدارێك لە كاتی دانانی بۆمبێك لە بازاڕی پەنجا عەلی شاری كەركوك ئاشكرابووە و تەقەی لە هێزەكانی پۆلیس كردووە و پۆلیسێكی برینداركردووە و دواتر هەڵاتووە.
بەپێی زانیارییەكان، “دوای ئەوەی پۆلیسی فریاكەوتن لە بازاڕی میللیی پەنجا عەلی گومان لە ماتۆڕسوارێك دەكەن و هەوڵی دەستگیركردنی دەدەن، ماتۆڕسوارەكە تەقە لە مەفرەزەكەی پۆلیس دەكات و یەكێك لەپۆلیسەكان برینداربووە و دواتر هەڵاتووە”.
لە زانیارییەكاندا هاتووە، دوای لێكۆڵینەوە دەركەوتووە ماتۆڕسوارەكە چەكی بێدەنگ و بۆمبی چێندراوی پێبووە و لە هەوڵی دانانی بۆمبەكەدا بووە كە هاوڵاتییانی شارەكە بكاتە ئامانج و ئەو كارمەندەی هێزە ئەمنییەكان فیشەكێك بەر سەری كەوتووە و ئێستا دۆخی تەندروستی ناجێگیرە.
