بەڕێوەبەری دارستان و پاوانی سلێمانی رایدەگەیەنێت تاوەكو ئێستا ئاگرەكەی چیای ئەزمەڕ كۆنترۆڵنەكراوە و زیانێكی زۆری بە ناوچەكە گەیاندووە.
هاوكار جەلال بەڕێوەبەری دارستان و پاوانی سلێمانی لە لێدوانێكدا بە تۆڕی میدیایی ئێستای راگەیاند، تاوەكو ئێستا ئاگرەكەی چیای ئەزمەڕ كۆنترۆڵنەكراوە و بەردەوام لە فراوانبووندایە و زیانێكی زۆری لە دارستانە سروشتییەكانی چیاكە داوە.
وتیشی، “تیمەكانی بەرگریی شارستانیی سلێمانی سەرجەم تیمەكانی دیكە لە هەوڵی كۆنترۆڵكردنی ئاگرەكەدان”، هەر بەپێی زانیارییەكان ئاگرەكەی ئەمڕۆی چیای ئەزمەڕ بەهۆی شۆرتی كارەباوە بووە.
