ئەندامێكی ئەنجومەنی نوێنەرانی عێراق رایدەگەیەنێت، لە كۆبوونەوەی ئەمڕۆی ئەنجومەنی وەزیرانی عێراقدا بڕیاردرا 400 ملیار دینار بۆ مووچەی فەرمانبەرانی هەرێمی كوردستان رەوانە بكرێت.
د. بڕیار رەشید ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، كەمێك پێش ئێستا كۆبوونەوەی ئەنجومەنی وەزیرانی عێراق كۆتاییهات و لە كۆبوونەوەكەدا بڕیاردراوە 400 ملیار دینار بۆ مووچەی فەرمانبەرانی هەرێمی كوردستان رەوانە بكرێت.
راشیگەیاند، ئەو پارەیە بە شێوەیەی قەرز دەدرێتە هەرێمی كوردستان و دەبێت بۆ مووچەی فەرمانبەرانی هەرێمی كوردستان خەرجبكرێت.
