وەزارەتی خوێندنی باڵا و توێژینەوەی زانستی چەند بڕیارێکی لەبەرژەوەندیی خوێندکارانی خوێندنی باڵا دەرکرد، بڕیارەکە سەبارەت بە خوێندن لە دەرەوەی وڵات و رۆژانی جەژنی رەمەزانە.
لە راگەیەندراوی وەزارەتی خوێندنی باڵا و توێژینەوەی زانستیدا هاتووە، “لە پێناو بەرژەوەندیی خوێندکاران/ قوتابیانی هەرێمی کوردستان کە لە دەرەوەى وڵات دەخوێنن و بە بۆنەى هاتنى جەژنى پیرۆزى رەمەزان و رەچاوکردنی دۆخی دواى بومەلەرزەکەى وڵاتى (تورکیا)، وەزارەتى خوێندنى باڵا و توێژینەوەى زانستى بڕیارێکى بۆ ئەو قوتابى و خوێندکارانەى هەرێمى کوردستان کە لە دەرەوەى وڵات دەخوێنن دەرکرد”.
بڕیارەکانی وەزارەتی خوێندنی باڵا و توێژینەوەی زانستی بریتیین لە:
1- خوێندکاران/ قوتابیانى هەرێمی کوردستان کە لە وڵاتى تورکیا دەخوێنن و کاریگەربوون بە روودانی بومەلەرزەکەى (2023/2/6) رێگەپێدراون تاوەکو کۆتایی ئەم سمستەرە بە شێوەى ئۆنلاین بەردەوامى بە خوێندنیان بدەن جگە لە بوارە پزیشکییەکان و ئەو بوارانەى پێویستیان بە تاقیگە و پراکتیکە.
2- خوێندکاران/ قوتابیانی هەرێمی کوردستان لە دەرەوەى وڵات دەتوانن بۆ جەژنی پیرۆزی رەمەزان لە ماوەى (2023/4/19) تاکو (2023/4/28) بگەڕێنەوە هەرێمی کوردستان.
