یارییەکانی قۆناغی “پلەی ئۆف” لە خولی یانە پیشەگەرەکانی ئەمریکا (NBA)، بە بردنەوەی نیویۆرک نیکس و ساکرامینتۆ کینگز دەستیپێکرد.
لە یەکەمین ڕووبەڕووبوونەوەی “پلەی ئۆف” بۆ یەکلاییکردنەوەی سەرکەوتووانی ناوچەکان، تیمی کلیڤلاند کاڤالێرز لەنێو یاریگا و هاندەرانیدا میوانداریی نیویۆرک نیکسی کرد.
یارییەکە بە بردنەوەی نیکس بە ئەنجامی (97-101) کۆتاییهات.
لەلایەکی دیکەوە، ساکرامینتۆ کینگز لە یاریگای خۆیدا بە ئەنجامی (126-123) لە تیمی گۆڵدن ستەیت واریەرزی بردەوە، کە یەکێکە لە پاڵێوراوەکانی جەمسەری خۆرئاوا بۆ بەدەستهێنانی ناسناوی (NBA).
یارییەکانی قۆناغە یەکلاکەرەوەکان “پلەی ئۆف”، بە چوار ڕووبەڕووبوونەوە کۆتاییاندێت، براوەی زۆرترین یاری سەرکەوتن بۆ قۆناغی کۆتایی مسۆگەردەکات، لە ئێستاشدا 16 تیم لەم قۆناغەدا یاریدەکەن.
