ئەمشه‌و شەممە، یارییەکانی هەفتەی (31) خولی نایابی ئینگلیزی بەردەوامییان هەبوو، چێڵسی و تۆتنهام لە یاریگای خۆیاندا دۆڕاندنیان تۆمارکرد.
یانەی چێڵسی لە یاریگای خۆیدا “ستامفۆرد بریج” یاریی هەفتەی (31) خولی نایابی ئینگلیزی “پریمه‌رلیگ”ی بەرامبەر برایتۆن ئالبیۆن ئەنجامدا، یارییەکە بە ئەنجامی دوو گۆڵ بەرامبەر بە گۆڵێک لە بەرژەوەندیی برایتۆن کۆتاییهات.
گۆڵەکانی برایتۆن لە خولەکەکانی 42، 69 لەلایەن دانی ویڵبێک و جولیۆ ئینچیزۆوە تۆمارکران، گۆڵەکەی “بلوز” لە خولەکی 13 لەلایەن کۆنۆر کالاگێرەوە تۆمارکرا.
لە یارییەکی دیکەدا تۆتنهام هۆتسپێرز لە یاریگای خۆیدا بە ئەنجامی سێ گۆڵ بەرامبەر بە دوو گۆڵ بە هەمانشێوە بەرامبەر بۆرنمۆس دۆڕاندنی تۆمارکرد.
گۆڵەکانی “سپێرز” لە خولەکەکانی 14، 88 لەلایەن هیونگ مین سۆن و ئارناوت دانجوماوە تۆمارکران، گۆڵەکانی بۆرنمۆس لە خولەکەکانی 38، 51، 90 لەلایەن ماتیاس ماتیاس ڤینا، دۆمینیک سولانکی، دانگو واتاراوە تۆمارکران.
بەپێی ئەنجامە تۆمارکراوەکان، چێڵسی بە (39) خاڵەوە لە پلەی (11)ی ڕیزبەندیی پریمەرلیگ بەردەوامبوو، یانەی تۆتنهامیش بە (53) خاڵەوە لە پلەی پێنجەمدا مایەوە.
