پارێزگاری بانكی ناوەندیی عێراق رایدەگەیەنێت، بەرگرتنەبەری چەند رێوشوێنێكی پێویست توانراوە بەهای دۆلار بەرامبەر دینار جێگیربكرێت.
عەلی عەلاق پارێزگاری بانكی ناوەندیی عێراق لە میانی كۆبوونەوەی لەگەڵ بانكی نێودەوڵەتیی و سندوقی نەختینەیی لە ئەمریكا رایگەیاند، داواكارییەكانی ئەمریكا بە مانای كۆت و بەند نییە لەسەر عێراق، بەڵكو بەرگرتنە لە سپی كردنەوەی پارە و بەرەنگاربوونەوەی تیرۆر.
راشیگەیاند، بانكی ناوەندیی عێراق كار بۆ جێگیركردنی بەهای دۆلار بەرامبەر دینار دەكات و كە ئەوەش پەیوەندیی بە خواست و خستنەرووەوە هەیە.
