لە سنووری گوندی تەرجلی ناحیەی لەیلانی سەر بە پارێزگای كەركوك ئۆتۆمبێلێكی سەربازیی سوپای عێراق كەپێكهاتبوون لە ئەفسەرێك و دوو سەرباز لەچەمێكدا ئاو بردوونی و بەپێی زانیاریەكان دوو لەسەربازەكان بێسەروشوێنن بەڵام یەكێكیان توانیوویەتی خۆی رزگاربكات.
پەیامنێری تۆڕی میدیایی ئێستا لە كەركوك گواستییەوە، ئەو سێ سەربازە سەربە فەوجی 2ی لیوای 45 ی سوپای عێراقن و بە مەبەستی بەسەركردنەوەی خاڵێكی سەربازیی هێزەكەیان روویان لەو ناوچەیە كردووە و لەرێگادا بەهۆی لافاو و خێرای ئاوەوە ئۆتۆمبێلەكەیان ئاوبردوویەتی.
