گەردوونناسێكی كورد دەڵێت، هەورێكی سوپەر سێڵ گەیشتووەتە ناوچەكانی هەرێم و دابارینێكی ئێجگار زۆری پێوەیە.
لوقمان حەوێز، گەردوونناسی و ئەندامی كۆمەڵەی گەردوونناسی تەكساس رایگەیاند، ئەو سێڵە بارانەی لە باکووری بەغداد دروست بوو، بووە بە سوپەر سێڵ و گەیشتووە بە ناوچەکانی گەرمیان و خوار کەرکوک و بەخێرایی بەرەو باکوور بەڕێوەیە.
دەشڵێت، “دابارینێکی ئێجگار زۆری پێوەیە و ئەگەر هەر بەردەوام بێت هێندە گەورەیە جگە لە گەرمیان زۆربەی ناوچەکانی نێوان هەولێر و سلێمانیش دەگرێتەوە”.
سێڵێکی تری زۆر بەهێزی باران لە رۆژئاوای هەولێر دروستبووە و ئێستا لەسەر قەزای خەباتە و بەهەمان ئاراستەی ئەوەی پێشووتر دەڕوات بەرەو بەردەڕەش و ئاکرێ و دواتر ئەگەر خۆی بگرێت ناوچەی باڵەکایەتی، وەك ئەوەی لوقمان حەوێز ئاماژەی پێداوە.
دەشڵێت، “دابارینێکی گەلێک زۆری لەگەڵدایە”.
