پاریزگای هەولێر داوا لە دانیشتووانی چەند گونێک دەکات بەهۆی مەترسییەکانی بەرزبوونەوەی ئاوی زێی گەورە بە هیچ شێوەیەک نزیکی نەکەونەوە.
پارێزگای هەولێر لە راگەیەندراوێکدا بڵاویکردەوە، “بە هۆی هاتنی ئاوێکی زۆر لە سنووری لقەکانی زێی گەورە، کە بە هۆیەوە ئاستی ئاوی زێی گەورە زۆر زیادی کردووە، ئاگاداری تەواوی گوندنشینانی نزیک زێی گەورە و سەرجەم کانگاکانی چەگل و قومی سەر زێی گەورە و تەواوی هاوڵاتییان دەکەینەوە، لەم ماوەیەدا لە زێی گەورە دوور بکەونەوە و بە هیچ شێوەیەک نزیکی نەبنەوە”.
لە شەوی رابردووەوە شەپۆلێکی بارانبارینی بەهێز عێراق و هەرێمی کوردستانی گرتووەتەوە و تا ئێستا لە هەندێک ناوچەی هەرێم ئاستی ئاو بەرزبووەوە و مەترسی دروستبوونی لافاو هەیە.
