گیانلەدەستدان بەهۆی دەستكاریكردنی گوللـە هاوەنێك لە هەورامان بەرزبووەوە بۆ دوو كەس.
ئێوارەی ئەمڕۆ موقەدەم بەرزان عوسمان، وتەبێژی پۆلیسی پارێزگای هەڵەبجە رایگەیاند، لە ئەنجامی دەستكاریكردنی گوللـە هاوەن لە شارەدێی تەوێڵە كەسێك گیانیلەدەستدا كە دانیشتووی پارێزگای هەڵەبجەیە و دوو كەسی دیكەش برینداربوون.
وتیشی، “بریندارەكان گواستراونەتەوە بۆ نەخۆشخانە و هێزە ئەمنییەكان لێكۆڵینەوەیان لە رووداوەكە دەستپێكردووە”.
كەمێك پێش ئێستا یەكێك لە دوو بریندارەكە، بەهۆی كاریگەریی برینەكەیەوە گیانیلەدەستدا.
