دووبارە ئەنجومەنی وەزیران گرانبوونی سوتەمەنی تاوتوێدەكات

ئەنجومەنی وەزیرانی هەرێمی كوردستان ئەمڕۆ لەبارەی سێ تەوەر كۆدەبێتەوە، ئەم هەفتەیەش دووبارە تاوتوێی گرانبوونی نرخی سوتەمەنی دەكات.

فەرمانگەی میدیا و زانیاریی سەر بە حکومەتی هەرێم بڵاویكردەوە، ئەمڕۆ چوارشەممە ئەنجومەنی وەزیرانی هەرێمی کوردستان کۆبوونەوەی هەفتانەی خۆی بە سەرۆکایەتیی مەسرور بارزانی سەرۆکی حکومەت و ئامادەبوونی قوباد تاڵەبانی جێگری سەرۆکی حکومەت ئەنجام دەدات.

بەپێی ڕاگەیەنراوەکە، لە کۆبوونەوەکەدا گفتوگۆ لەبارەی چەند پرسێك دەكرێت:

یەکەم: خستنەڕووی ڕاپۆرتی وەزارەتی کارەبا سەبارەت بە هەنگاو و پڕۆژەکانی وەزارەت لە بواری ڕێکخستنەوەی کەرتی کارەبای نیشتمانی لە هەرێمی کوردستان (بەرەوپێشچوون و ئاستەنگەکان) و پڕۆژەی تایبەت بە هاوبەشیپێکردنی کەرتی تایبەت لە قۆناغەکانی دابەشکردن و گواستنەوەی کارەبا و کۆکردنەوەی داهاتی کارەبا.

دووەم: خستنەڕووی ڕاپۆرتی وەزارەتی تەندروستی سەبارەت بە دوا ئامارەکانی پەتای ڤایرۆسی کۆرۆنا لە هەرێم و ڕێژەی کوتانی هاوڵاتییان بە ڤاکسین، بە تایبەتیش فەرمانبەران و مامۆستایان، لەگەڵ خستنەڕووی بڕیارەکانی دوا کۆبوونەوەی لیژنەی باڵای ڕووبەڕووبوونەوەی پەتای ڤایرۆسی کۆرۆنا.

سێیەم: خستنەڕووی بابەتی گرانبوونی نرخی سوتەمەنییەکان لە هەرێمی کوردستان و دوا هەوڵەکانی وەزارەتی سامانە سروشتییەکان بۆ چارەسەرکردنی ئەم بابەتە و هەماهەنگی لەگەڵ وەزارەتی نەوتی فیدراڵ لەم بوارە.

بابەتی پێشتر

ئەمریكا و سعودیە سەركۆنەی كودەتا سەربازییەكەی سودان دەكەن

بابەتی دواتر

زیانەکانی ترس و دڵەڕاوکێ لەسەر جەستە چین؟

بابەتی پەیوەندیدار
Total
10
Share