دۆزینەوەیەكی نوێ دەربارەی جیهانی دایناسۆڕەكان بووەتە مایەی سەرسامی زانایان و زیادبوونی ویستیان بۆ وەرگرتنی زانیاری زیاتر سەبارەت بە جیهانە نادیارەكەیان. دۆزینەوەی دایناسۆڕێك بە قەبارەی مریشكێك ئەو بیروبۆچونە باوە هەڵدەگەڕێنێتەوە كە سەبارەت بە قەبارەی ڕاستەقینەی گیاندارەكە هەیە.
سەرەڕای لەناوچوون و دیارنەمانی لەسەر زەوی لە ملیۆنان ساڵەوە، تائێستا دایناسۆڕەكان مایەی سەرقاڵی زانایانن. دایناسۆڕەكان بە قەبارە گەورەكەیان و ئەو باوەڕەی كە گیاندارێكی قەبەن بەناوبانگن، بەڵام دوایین دۆزینەوە پێچەوانەكەی دەسەلمێنێت، چونكە دوایین دایناسۆر بەقەد مریشكێك دەبێت.
بەر لە نزیكەی 100 ملیۆن ساڵ، دایناسۆڕەكان خاوەن دوو باڵ و بە قەبارەی مریشكێك بوون و لەسەر ڕاوی مێروو و ڕەنگە هەندێك لە گیاندارە بچوكەكانی وەك بۆق و مارمێلكە بە درێژایی دەریای دێرینی باكوری ڕۆژهەڵاتی بەڕازیل ژیاون.
هەیكەلی ناوەوەی دایناسۆڕەكە وەك ئەوەی زانایان دەیڵێن ئاسایی و هاوشێوەی ئێسكە پەیكەری زۆرێك لە دایناسۆڕەكانی دیكەیە، بەڵام ڕووكاری دەرەوەیان وا دەردەكەوێت كە بچوك بێت.
