لە چێوەی یارییەکانی هەفتەی (27)ی خولی پله یه‌کی ئیسپانیا، یانه‌ی بەرشلۆنە لە دەرەوەی یاریگای خۆیدا بردنەوەی به‌رامبه‌ر ئێڵچی تۆمارکرد.
ئه‌مشه‌و شه‌ممه، یانه‌ی بەرشلۆنە له یاریگای “مانوێل مارتینێز ڤالێرۆ” بووە میوانی ئیڵچی.
یارییەکە بە ئەنجامی چوار گۆڵی بێبەرامبەر لە بەرژەوەندیی ئەستێرەکانی چاڤی هێرناندێز کۆتاییهات.
گۆڵەکانی “ئازولگرانا” لە خولەکەکانی 20، 56، 66، 70 لەلایەن ڕۆبێرت لیڤاندۆڤسکی (دوو گۆڵ)، ئانسو فاتی، فیران تۆرێسەوە تۆمارکران.
بەم بردنەوەیە، یانه‌ی بەرشلۆنە ژمارەی خاڵەکانی گەیاندە (71) و بە جیاوازی (15) خاڵ پێش ڕیاڵ مەدریدی ڕکابەری کەوت، لە هەمان کاتدا لە لووتکەی ڕیزبه‌ندیی یانه‌کانی “لالیگا” هاوشێوەی هەفتەکانی پێشوو بەردەوامبوو.
