لیژنە هاوبەشەکانی قائیمقامیەتی سلێمانی دەستیان بەسەر زیاتر لە یەک تۆن خورمای خراپبوودا گرت کە خاوەنەکەی بەنیازبوو لە بازاڕدا ساغیبکاتەوە.
قائیمقامیەتی سلێمانی بڵاویکردەوە، “لەسەر زانیاریی ئاسایشی ئابوری و بە گومانی خراپی و نەشیاوی بۆ خواردن، لیژنە هاوبەشەکانی قائیمقامیەت لەعەلوە دەستی بەسەر یەک تۆن و 122 کیلۆگرام خورمای هاوردەکراودا گرتووە”.
ئاماژەی بەوەشکرد، “نموونەی خورما دەست بەسەرداگیراوەکە رەوانەی تاقیگەی عەلوەی سلێمانی کراوە و وەڵامەکەی بە”شیاوی خواردن نییە” دراوەتەوە، بۆیە بە فەرمانی قائیمقامی سلێمانی تەواوی خورما هاوردە کراوەکە لەناودەبرێت و خاوەنەکەشی رووبەڕووی رێکاری یاسایی دەکرێتەوە”.
