سەرۆكی كۆمەڵەی كێڵگە پەلەوەرییەكان، رایگەیاند، “بۆ جەژن نرخی مریشک بەرزنابێتەوە”.
نازم عەبدوڵا، سەرۆكی كۆمەڵەی كێڵگە پەلەوەرییەكان لە لێدوانێكدا بە تۆڕی میدیایی ئێستای راگەیاند، “ئێستا نرخی کیلۆیەک مریشک لە هۆڵەکانی پەلەوەر لەنێوان دوو هەزار و 750 دینار بۆ دوو هەزار و 850 دینارە و بۆ جەژنی رەمەزانیش پێشبینیی بەرزبوونەوەی نرخەکەی ناکرێت”.
وتیشی، “تێچووی بەرهەمهێنانی کیلۆیەک مریشک دوو هەزار و 600 دینارە بەوپێیەش ئەو نرخەی ئێستا بە بەرزبوونەوە هەژمار ناکرێت و لەچاو کاڵاکانی دیکە بەرزنەبووەتەوە”.
باسی لەوەشکرد، “پێویستە حکومەت نرخێکی جێگیر بۆ مریشک دابنێت کە بەجۆرێک بێت نە خاوەن کێڵگە پەلەوەرییەکان و نە هاوڵاتییانیش زیانمەند نەبن”.
