ئەمشەو، چوارشەممە لە چوارچێوەی ڕوبەڕوبوونەوەکانی هەفتەی 19ی پێشخراوی خولی پلە یەکی ئیسپانیا، یانەی بەرشلۆنە لە یاریگای خۆیدا بە ئەنجامی دوو گۆڵ بەرانبەر گۆڵێک بردنەوەی بەرانبەر ڕیاڵ سۆسیداد تۆمارکرد.
ئەمشەو بارسا لە یاریگای کامپ نو میوانداری یانەی سۆسیدادی کرد و کەتەلۆنییەکان بەهێزەوە گەڕانەوە و بردنەوەیەکی گرنگیان تۆمارکرد.
لە سەرەتاکانی تایمی یەکەم ئەستێرە باسکییەکان توانیان باڵادەستی نیشانبدەن، لە خولەکی 27 ویلیان جوزێ گۆڵی یەکەمی تۆمارکرد.
کاردانەوەی بەرشلۆنە خێرابوو، لە خولەکی 31 جۆردی ئەلبا گۆڵی یەکسانکردنەوە و لە خولەکی 43 فرینکی دی یۆنگ گۆڵی دووەم و پێشەنگیان تۆمارکرد و ئەو تایمە (2-1) کۆتاییهات.
https://streamable.com/5w44m3
لە تایمی دووەمدا هەردوو یانە هاوسەنگی بە ئاستیانەوە دیاربوو، سەرەڕای چەندین هەلی تۆمارکردنی گۆڵ، بەڵام هێرشبەران سەرکەوتوو نەبوون لە دروستکردنی گۆڕانکاری و یارییەکە بە ئەنجامی تایمی یەکەم کۆتاییهات.
بەپێی ئەنجامە تۆمارکراوەکە، بەرشلۆنە بە (20) خاڵ پلەی پێنجەمی ڕیزبەندی یانەکانی لالیگای گرت و یانەی ڕیاڵ سۆسیداد لە پلەی یەکەمەوە بۆ دووەم دابەزی، لە ئێستادا یانە ناودارەکەی باسک هاوشانی ئەتلەتیکۆی یەکەم و ڕیاڵ مەدریدی سێیەم خاوەنی 26 خاڵە.
