یانەی ڕیاڵ مەدریدی ئیسپانی بڕیاریدا بازاڕی گواستنەوە كۆتایی پێبهێنێت و هیچ یاریزانێكی تر نەكڕێت.
پاش كڕینی هەردوو یاریزان ڕۆدریگێری بەرگریكار و چوامینی یاریزانی هێڵی ناوەڕاست، ئیدارەی ڕیاڵ دەرگای كڕینی یاریزانی داخست.
ڕۆژنامەكانی ئاس و ماركا جەخت لەوە دەكەنەوە كە پیرێزی سەرۆك پێیوایە بە ئەنجامدانی ئەو دوو گرێبەستە دۆخی یانەكە باشتر دەبێت و پێویستیان بە یاریزانی تر نییە.
لە ئێستادا ئامانجی سەرەكی یانەكە یەكلایی كردنەوەی داهاتووی بەشێك لە یاریزانەكانییەتی.
هەریەك لە ئاسینسیۆ و ماریانۆ دیاز و یۆڤیچ و دانی سیبایۆس دودڵن لە بەردەوام بون لە ڕیاڵ مەدرید بەهۆی ئەو كاتە كەمەی لە یاریكردندا پێیان دەدرێت.
ئەمە جگە لەوەی هەرسێ یاریزان گاریس بەیل و ئیسكۆ و مارسیلۆش ماڵئاواییان لە ڕیزەكانی ڕیاڵ مەدرید كردووە.
