لیژنە هاوبەشەكانی قائیمقامیەتی سلێمانی دەستیان بەسەر 500 كیلۆگرام كاڵەكدا گرت كە خاوەنەكەی بە نیازبوو لە مانگی رەمەزاندا بیفرۆشێت.
بەپێی راگەیەندراوێكی قائیمقامیەتی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، لیژنە هاوبەشەكانی قائیمقامیەتی سلێمانی دەستی بەسەر بڕێكی زۆر كاڵەكدا گرت و دوای دڵنیابوونەوەی لە خراپبوونی لەسەر بڕیاری قائیمقامی سلێمانی ئەو بڕە كاڵەكە لەناوبرا.
لە راگەیەندراوەكەدا هاتووە، ئەو بڕەی دەستیبەسەردا گیراوە و شیاو نەبووە بۆ خواردن (500) كیلۆگرام كاڵەك بووە و دوای ئەنجامدانی پشكنین و دڵنیابوونەوە لە خراپبوونی و تەواوی ئەو بڕە كاڵەكە لەناودەبرێت.
