ڕۆژنامەی مارکای ئیسپانی بڵاویکردووەتەوە، کە یانەی بایرن میونشن چووەتە نێو هاوکێشەی کڕینی گاڤی-یەوە.
بەڕێوەبەرانی یانە باڤارییەکە ئاگادارن لە کێشە داراییەکانی بەرشلۆنە و هەڵوەشاندنەوەی گرێبەستی گاڤی لەلایەن دادگای وەرزشیی ئیسپانیاوە، پێیانوایە هەلێکی بەهێزیان لەبەردەمدایە بۆ گواستنەوەی لاوە بەهرەدارەکە و ڕەخساندنی کەشێکی سەقامگیر بۆ خۆی و خێزانەکەی لە ئەڵمانیا.
یانەی بەرشلۆنە بۆ دووبارە ناونووسکردنەوەی گاڤی و بەرزکردنەوەی لە پێکهاتەی لاوانەوە بۆ پێکهاتەی یەکەم, ناچارە داهات و خەرجیاتی یانە کەمبکاتەوە.
مارکا نووسیویەتی، بایرن میونشن تاکە یانە نییە خەون بە کڕینی گاڤی-یەوە دەبینێت، بەڕێوەبەرانی یانەی لیڤەرپوڵ-یش بە هەمانشێوە پرسی یاریزانەکە و دۆخی خێزانەکەیان کردووە لە هەریمی کەتەلۆنیا.
