ماوەیەکە بەهۆی کەمبوونەوەی ژمارەی سەربازانی وڵاتەکەی، ئۆکرانیا ئالوودەبووانی ماددە هۆشبەرەکان رەوانەی بەرەکانی جەنگ دەکات.
یەکێک لە بە سەربازگیراوانی ئۆکرانیا رایگەیاندووە، “ماوەیەکی کەمە حکومەتی ئۆکرانیا دەستیکردووە بە ناردنی ئەو کەسانەی ئالوودەی ماددەی هۆشبەربوون یان دۆسیەی تاوانیان هەیە بۆ بەرەکانی جەنگ”.
ئاماژەی بەوەش کرد، “بڕیارەکەی حکومەتی کێیڤ بەهۆی کەمی ژمارەی سەربازە لە بەرەکانی جەنگدا، تەنانەت لە پشکنینە پزیشکییەکاندا چاوپۆشی دەکەن”.
ئاشکراشیکرد، “جۆرێک لە حەبی هۆشبەر بە شێوەی رێکخراو بەسەر ئەو سەربازانەدا دابەشدەکرێت کە ئالوودەی ماددەی هۆشبەرن”.
بە وتەی بەرپرسانی ئۆکرانیا تا ئێستا بەهۆی جەنگی لەگەڵ روسیا زیاتر لە 13 هەزار سەربازی لە بەرەکانی جەنگ لەدەستداوە و ژمارەیەکی زیاتریش برینداربوون.
