كۆمپانیای (غاز پڕۆم ئێكسپۆرت)ی ڕوسیا لە كاتژمێر 7ی بەیانی ئەمڕۆوە هەناردەی غازی بۆ فنلەندا ڕاگرت.
كۆمپانیاكە دوێنێ كۆمپانیای وزەی (Gasum Oy)ی فنلەندی لەبارەی وەستاندنی هەناردەی غازەوە ئاگاداركردەوە.
بەپێی وەزارەتی كار و ئابوریی فنلەندا پێدەچێت بڕیارەكە بەهۆی ڕەتكردنەوەی وڵاتەكەیەوە بێت لە پێدانی پارەی غاز بە ڕۆبڵی ڕوسی.
ئاماژەی بەوەشكرد، بەپێی گرێبەستە درێژمەوداكەی نێوانیان پارەدان بە دراوی یۆرۆ دەبێت.
بەهۆی جەنگی ئۆكرانیا و هێرشی ڕوسیا بۆ سەر ئەو وڵاتەوە، ئەمریكا و بەشێكی زۆری وڵاتانی ئەوروپا بڕیاریاندا سزای كەرتی وزەی ڕوسیا بدەن.
لە بەرامبەردا ڕوسیا بڕیاریدا فرۆشی غازەكەی لە دراوەكانی دیكەوە بۆ ڕۆبڵ بگۆڕێت.
