شاندی باڵای حكومەتی هەرێم گەیشتە ئەنجومەنی نوێنەران

قوباد تاڵەبانی و بەشێك لە ئەندامانی شاندی باڵای هەرێم

شاندی باڵای حكومەتی هەرێمی كوردستان بە سەرپەرشتی قوباد تاڵەبانی گەیشتە ئەنجومەنی نوێنەرانی عێراق.

قوباد تاڵەبانی، جێگری سەرۆكوەزیران و سەرۆكی شاندی باڵای حكومەتی هەرێم بۆ بەغداد ئەمڕۆ چوارشەممە 16ی كانونی یەكەم بە سەرۆكایەتی شاندی باڵا گەیشتە ئەنجومەنی نوێنەرانی عێراق و لەلایەن بەشیر حەداد، جێگری سەرۆكی ئەنجومەنی نوێنەرانەوە پێشوازیكران.

بڕیارە پاش كۆبوونەوەیەكی نێوان شاندەكە و جێگری سەرۆكی ئەنجومەنی نوێنەران بە بەشداری ژمارەیەك لە پەرلەمانتارانی كورد، كۆبوونەوەیەك لە هۆڵی دەستوریی پەرلەمان ئەنجامبدرێت و تیایدا قوباد تاڵەبانی ڕونكردنەوە لەبارەی هەڵوێست و بڕیارەكانی حكومەتی هەرێم تایبەت بە پابەندبوون بە یاسای پڕكردنەوەی كورتهێنانی دارایی (قەرزكردن) بدات، جگە لە خستەڕووی خەرجی و داهاتی هەرێم و چۆنیەتی جێكردنەوەی لە پرۆژەیاسای ساڵی 2021دا، كە لەئێستادا لە بەردەم ئەنجومەنی وەزیرانی عێراقدایە و هێشتا پەسەندنەكراوە.

لە دانیشتنی دوێنێی ئەنجومەنی نوێنەراندا، ئاڵا تاڵەبانی، پەرلەمانتاری كورد داوای لە سەرۆكی ئەنجومەن كرد، ڕێگابدات شاندەكەی حكومەتی هەرێم بچێتە پەرلەمان و ڕوونكردنەوە بدات.

ئاڵا تاڵەبانی لەو دانیشتنەدا وتی، “شاندێكی حكومەتی هەرێم لە بەغدادە لە هەفتەی پێشووەوە، هاتوون بۆ جێبەجێكردنی مادەی 7 لە یاسای كورتهێنانی دارایی”.

ئەو پەرلەمانتارە كوردە ئەوەشی وت، “هەرێمی كوردستان پابەندە بەوەی داهاتە نەوتییەكان ڕادەست بكات لەڕێگای سۆمۆوە و داهاتە نانەوتییەكانیش ڕادەست بكات، بەڵام تائێستا نەگەیشتووەنەتە ڕێككەوتن و گفتوگۆكان بەردەوامن”.

ئاماژەی بەوەشكرد، “سەرۆكی شاندەكەی حكومەتی هەرێم ئامادەیە بێتە پەرلەمان و لەم هۆڵە دەستوورییەدا خۆتان گوێی لێبگرن، هەر ڕێككەوتنێكیش لەدەرەوەی یاسا بێت ڕونادات و ڕازی نابن پێی”.

بابەتی پێشتر

کۆگا وەرزشییەکانی پاریس ئامادەکاری بۆ هەڵواسینی درێسی مێسی دەکەن

بابەتی دواتر

121 ساڵ بەسەر دامەزراندنی ئەی سی میلاندا تێپەڕدەبێت

بابەتی پەیوەندیدار
زیاتر ببینە

هەرێمی كوردستان دەكەوێتە بۆشایی یاساییەوە ؟
هەڵویستی یەكێتی لەبارەی هەڵبژاردنی سەرۆكی هەرێم ئاشكرادەكرێت

جێگری سەرۆكی فراكسیۆنی یەكێتی لەپەرلەمانی كوردستان ڕایدەگەیەنێت، لە ئەگەری دواخستنی هەڵبژاردندا پەرلەمان تەمەنی خۆی درێژنەكاتەوە لە مانگی 11ی…
زیاتر ببینە

پۆلیسی سلێمانی: تەقەكەرەكەی شەوی رابردووی شەقامی سالم دەستگیركرا

بەڕێوەبەرایەتیی پۆلیسی‌ پارێزگای‌ سلێمانی‌ رایگەیاند، مەفرەزەكانی‌ بنكەی‌ پۆلیسی‌ رزگاری‌ تۆمەتباری‌ رووداوەكەی‌ شەوی‌ رابردوی‌ شەقامی‌ سالمی‌ شاری‌ سلێمانیان دەستگیركرد.…
Total
0
Share